भक्ती विश्वाचे दोन रंग
एक बुद्ध, दुसरा पांडुरंग
एकाचा आत्मशोध करी अंतर्मुख,
दुसरा दिव्य प्रेमाचा सागर उत्स्फूर्त,
एक विवेक, वैराग्याची वाट,
दुसरा नाहलेला भक्तिरसात,
बुद्ध सांगे, “तूच आहेस तुझा दीप”,
पांडुरंग म्हणे, “तुझा आधार मीच”,
एकाचे ध्यान, मौन, शांत,
दुसरा तल्लीन नामस्मरणत.
एकाचा निर्गुण, सत्याचा शोध,
दुसर्याला आपल्या भक्ताची ओढ.
भक्तीच्या या दोन्ही वेगळ्या वाटा,
एकच संदेश अंतिमतः समता बंधुता,
ध्यानस्थ दिसती दोन्ही रुप.
भक्तीत त्यांच्या आत्मिक सुख.